உளமே மொழியாய், முழவே வழியாய், வளியே இசையாய், சிவமே அறிவாய், எழிலே இதமாய், கரையே மடுவாய், கலையே உறவாய், அழலே அழகாய், பொழிவே அமுதாய், பொழிலே உருவாய் அமைந்த வாழ்க்கை.
=============================
=============================
பொழிலுருவே வாழ்வியலோ...
=============================
ஓளியே விழியாய், விழியே உளமாய்,
உளமே மொழியாய், மொழியே தமிழாய்,
தமிழே உழவாய், உழவே முழவாய்,
முழவே வழியாய், வழியே வெளியாய்,
வெளியே உள்ளாய், உள்ளே வளியாய்,
வளியே இசையாய், இசையே புவியாய்ப்
புவியே நிறமாய், நிறமே சிவமாய்ச்
சிவமே அறிவாய், அறிவே தழலாய்த்
தழலே உணர்வாய், உணர்வே எழிலாய்,
எழிலே இதமாய், இதமே கருவாய்க்
கருவே கடலாய், கடலே கரையாய்க்
கரையே மடுவாய், மடுவே மலையாய்,
மலையே உலகாய், உலகே கலையாய்க்
கலையே உறவாய், உறவே நிழலாய்,
நிழலே நிசமாய் நிசமே அழலாய்,
அழலே அழகாய், அழகே செழிவாய்ச்
செழிவே செறிவாய் செறிவே பொழிவாய்ப்
பொழிவே அமுதாய் அமுதே மழையாய்,
மழையே உலகாய், உலகே பொழிலாய்ப்
பொழிலே உருவாய், உருவே வாழ்வோ!
===================================
இராச. தியாகராசன்.
கருத்துகள் இல்லை:
கருத்துரையிடுக