இந்தக் கொச்சகக் கலிப்பாவின் ஆங்கில வடிவத்தினையும் நான் எழுதினேன். இரண்டின் ஒற்றுமை/ வேற்றுமைகளை சுவைஞர்கள் தாம் சொல்ல வேண்டும்! ஆங்கில வடிவத்தின் இழை:
http://tyagas.blogspot.in/2012/08/safe-production-for-development.html
================================================
================================================
வளர்ச்சிக்கான பாதுகாப்பும் உற்பத்தித் திறனும்..
(கொச்சகக் கலிப்பா)
================================================
எடுத்தபணி யதன்மீதே ஈடுபாடு கொண்டிலங்கி
முடிப்பவர்தாம் வாழ்க்கையிலே முன்னேறிச் சென்றிடுவார்;
அடுத்தவரைத் தான்நோக்கி அழுக்காறு கொள்பவரோ,
நடுகல்லை போலிங்கு நலமின்றி நின்றிடுவார்!
உடமுழைப்பு, பாதுகாப்பு, உற்பத்தி யிவைமூன்றும்
உடமையென தாமெண்ணி உலகிலுள்ள மாந்தர்கள்
கடமையினைச் செய்தாலே கண்ணிமைப்பில் வளர்ச்சிகளும்
நடக்குமென்ற மெய்யதனை நாமிங்கு உணர்ந்திடுவோம்!
தளர்வின்றி எந்நாளும் தவிக்கின்ற முனைப்புடனே,
களமீதில் ஆழ்தியங்கிக் காணும்வீண் கனவகற்றித்,
தெளிந்தஉடல் உழைப்பதுவே சீர்த்திமிகு தாய்நாட்டின்
வளர்ச்சிக்கு வாழ்வியலின் மாண்பெனவே கொள்வோமே!
கருத்துகள் இல்லை:
கருத்துரையிடுக